Сұрақтар:
- «Дамуында проблемалары бар балалар мен жасөспірімдерді оңалту және әлеуметтік бейімдеу"
мемлекеттік көрсетілетін қызмет регламенті 2015 жылғы 16 шілдедегі № 173Батыс Қазақстан облысы әкімдігінің қаулысымен Сізге бекітілген келесі құжаттарды тапсыруыңыз қажет:
Ата-анасының арызы (заңды өкілі),ата-анасының төлқұжатының көшірмесі(заңды өкілі),баланың туу туралы куәлігінің көшірмесі (салыстыру үшін түпнұсқа), Психологиялық-дәрігерлік-педагогикалық кеңес беру қорытындысы.
- Психологиялық-педагогикалық түзеу кабинетіне неше жастан бастап келуге болады?
Қазақстан Республикасының Білім және ғылым министрінің 2017жылғы 14 ақпандағы № 66 бұйрығы 9-қосымшасына сәйкес түзеу кабинеті қызметінің үлгілік қағидалары негізінде туғаннан 18 жасқа дейінгі балаларға түзеу көмегін көрсетеді.
- Сабақтың барысы қанша уақытқа созылады?
Сабақ өткізу уақыты:жеке сабақ-20-30 минут,екі бес жас аралығындағы мектеп жасына дейінгі балаларға топтық сабақ 35-40 минут,5-7 жас аралығындағы мектеп жасына дейінгі және мектеп жасындағы 6-18 жас аралығындағы балаларға 35- минут .
- Түзеу көмегі ерекше білімді қажет ететін балалардың қандай категорияларына көрсетіледі?
Психологиялық-педагогикалық түзеу кабинеті келесі түзеу көмектерін көрсетеді: 1) есту қабілетінде бұзылыстары бар;
2) көру қабілетінде бұзылыстары бар;
3) сөйлеу тілінде бұзылыстары бар;
4) сөйлеу тілінің дамуында тежелістері бар;
5) тірек-қозғалыс аппаратында бұзылыстары бар;
6) ақыл-ой дамуы түрлі деңгейде бұзылған;
7) психикалық даму тежелісі бар;
8) эмоциялық-еркі саласында және жүріс-тұрысында бұзылыстары бар;
- Қандай педагогтар түзеу көмегін көрсетеді?
Біздің кабинетте келесі мұғалімдер жұмыс жасайды: олигофренопедагогтар, мұғалім-логопедтер, тифлопедагог, педагог-психологтар, әлеуметтік педагогтар, емдік дене шынықтыру нұсқаушылары, қысқа мерзімді топтың тәрбиешілері.
- Түзеу- дамыту оқытулары қандай құжатқа сүйенеді?
Түзеу-дамыту үдерісі мазмұны ерекше білім беруді қажет ететін балалардың психофизикалық даму және жеке мүмкіндіктерінің ерекшеліктерінен әзірленетін жеке дамыту бағдарламасымен анықталады және баланың барлық негізгі даму салаларын қамтиды: сөйлеу, когнитивтік, әлеуметтік-эмоционалдық, моторлық және өзіне-өзі қызмет ету.
